LES CINQ LIVRES. Gargantua, Pantagruel, Le Tiers Livre, Le Quart Livre, Le Cinquième Livre

Amis lecteurs qui ce livre lisez,. Despouillez vous de toute affection,. Et, le lisant ne vous scandalisez :. Il ne contient mal ne infection.Vray est qu'icy peu de perfection. Vous apprendrez, si non en cas de rire :. Aultre argument ne peut mon cueur elire. Voyant le dueil qui vous mine et consomme. Mieulx est de ris que de larmes escripre. Pour ce que rire est le propre de l'homme.

« Soubdain, je ne sçay comment, le cas feut subit, je ne eu loisir le consyderer, Panurge, sans aultre chose dire jette en pleine mer son mouton criant et bellant. Tous les aultres moutons crians et bellans en pareille intonation comencerent soy jecter et saulter en mer après, à la file. La foulle estoit à qui premier y saulteroit après leur compaignon. Possible n'estoit les en guarder. Comme vous sçavez estre du mouton le naturel, tous jours suyvre le premier, quelque part qu'il aille... Le marchant tout effrayé de ce que davant ses yeulx perir voyou et noyer ses moutons, s'efforçoit les empescher et retenir tout de son pouvoir. Mais c'estoit en vain. Tous à la file saultoient dedans la mer, et perissoient. Finablement il en print un grand et fort par la toison sus le tillac de la neuf, cuydant ainsi le retenir, et saulver le reste aussi consequemmeent. Le mouton feut si puissant qu'il emporta en mer avecques soy le marchant, et feut noyé en pareille forme que les moutons de Polyphemus le borgne Cyclope emporterent hors la caverne Ulyxes et ses compaignons. »

Aussi, pour mettre fin à ce prologue, tout comme je me donne à cent mille paniers de beaux diables, corps et âme, tripes et boyaux, au cas où je mente d'un seul mot dans toute l'histoire, pareillement, que le feu saint Antoine vous brûle, que le haut mal vous chavire, que la crise foudroyante, le chancre vous courent aux trousses, que la chiasse sanglante vous vienne, que Le feu vénérien attrapé au ricrac. Aussi menu que poil de vache, Encore renforcé par le vif argent Vous entre dans le fondement ; et comme Sodome et Gomorrhe, puissiez-vous tomber en soufre, en feu et en abîme au cas où vous ne croirez pas fermement tout ce que je vous raconterais en cette présente Chronique !"

Gargantua depuis les troys jusques à cinq ans feut nourry et institué en toute discipline convenente par le commandement de son pere, et celluy temps passa comme les petitz enfans du pays, c'est assavoir à boyre, manger, et dormir : à manger, dormir, et boyre : à dormir, boyre, et manger.Tousjours se vaultroit par les fanges, se mascaroyt le nez, se chauffourroit le visaige. Aculoyt ses souliers, baisloit souvent au mousches, et couroit voulentiers aprés les parpaillons, desquelz son pere tenoit l'empire. Il pissoit sus ses souliers, il chyoit en sa chemise, il se mouschoyt à ses manches, il mourvoit dedans sa soupe. Et patroilloit par tout lieux, et beuvoit en sa pantoufle, et se frottoit ordinairement le ventre d'un panier.